難得與九歲多的大女兒拍拖撐枱腳，我們各有各咬著雞脾，閒話家常間，我問女兒：「其實你覺得我呢個媽媽做成點？」
這種高風險問題，聰明的大小姐自是不會輕易墮進圈套，「好好呀。」快而輕的答案，幾乎是不加思索從她的嘴巴中溜出。我職業病發作，拐個彎，拋出另一問題：「其實你最唔鍾意家長做啲咩？」反正令人聞風喪膽的青春期應該不遠了，早點探聽口風，可避免觸及地雷。
她這回倒非常認真的想了想才告訴我：「我哋最怕啲家長成日喺學校攬住仔女自拍！」原來她見過不少家長回校參與活動時，常千方百計走到孩子身邊，一把攬着兒女自拍。「你影相都唔梗要，但都唔好喺老師講梗嘢時影嘛，有啲家長仲要離譜到用閃光燈，攪到我哋眼都擘唔大。」
家長忌癡纏，第二宗罪，也跟此有關。
「每日返學都總見到有一、兩個家長企喺學校門口唔肯走，要遠遠望住仔女消失於視線範圈內先肯離開，阻住其他同學返學……其實咁大個人，反正都返到學校咯，仲有咩好睇？」
還有第三宗罪，「仲有呀，有時啲細路唔記得帶嘢，家長會拎返學校畀佢，我哋上上吓堂，突然會有書記上嚟嗌邊個邊個，你媽咪攞返嘢畀你，請你落去學校門口攞，尷尬到死……其實唔記得咪唔記得囉，最多畀老師扣分，駛咩特登攞返學校畀佢呢？」
聽着聽着，我腦裡只有五個字──好心做壞事。孩子在成長路上愈長愈高，也必然離我們愈來愈遠，有些行為，當孩子是幼稚園生時我們可以做，但當他長成是小學生時，或許又是另一回事了。
當爸媽的，如果不能跟孩子一起成長，互相調節步伐，絆倒的機會自然高。這條路，從來都不易走，互勉之。
這種高風險問題，聰明的大小姐自是不會輕易墮進圈套，「好好呀。」快而輕的答案，幾乎是不加思索從她的嘴巴中溜出。我職業病發作，拐個彎，拋出另一問題：「其實你最唔鍾意家長做啲咩？」反正令人聞風喪膽的青春期應該不遠了，早點探聽口風，可避免觸及地雷。
她這回倒非常認真的想了想才告訴我：「我哋最怕啲家長成日喺學校攬住仔女自拍！」原來她見過不少家長回校參與活動時，常千方百計走到孩子身邊，一把攬着兒女自拍。「你影相都唔梗要，但都唔好喺老師講梗嘢時影嘛，有啲家長仲要離譜到用閃光燈，攪到我哋眼都擘唔大。」
家長忌癡纏，第二宗罪，也跟此有關。
「每日返學都總見到有一、兩個家長企喺學校門口唔肯走，要遠遠望住仔女消失於視線範圈內先肯離開，阻住其他同學返學……其實咁大個人，反正都返到學校咯，仲有咩好睇？」
還有第三宗罪，「仲有呀，有時啲細路唔記得帶嘢，家長會拎返學校畀佢，我哋上上吓堂，突然會有書記上嚟嗌邊個邊個，你媽咪攞返嘢畀你，請你落去學校門口攞，尷尬到死……其實唔記得咪唔記得囉，最多畀老師扣分，駛咩特登攞返學校畀佢呢？」
聽着聽着，我腦裡只有五個字──好心做壞事。孩子在成長路上愈長愈高，也必然離我們愈來愈遠，有些行為，當孩子是幼稚園生時我們可以做，但當他長成是小學生時，或許又是另一回事了。
當爸媽的，如果不能跟孩子一起成長，互相調節步伐，絆倒的機會自然高。這條路，從來都不易走，互勉之。
沒有留言:
張貼留言