1.三餐要食足
偏頭痛其中一個可能，就係人體本身不足所至，而其中維他命B2，更係以知能夠預防偏頭痛嘅維他命。不過要點先可以補充得到？其實以中國人飯食習慣，每日有足夠嘅白米飯、粥就已經足夠。假如因為減肥而要戒飯，堅果類食物，如花生等都可以保充得到。
（P.S 上高登做花生友食花生，並不能補充維他命B2）
2.基本運動一定要有
點解運動又關偏頭痛事？事關偏頭痛另一種引發方式，就係頭部壓力太大，所以做下簡單頸膊伸展運動，就可以鬆弛一下頸膊部位肌肉，從而減輕頭部附近壓力。不過做個陣就唔好做得太過激烈，唔係到時你就唔止有偏頭痛要醫咁小野。
3.咖啡因要減
咖啡因雖然會提晒，不過一日涉取量太多的話，就會引發偏頭痛，到時就真係痛到你想訓都訓唔到！不過大家其實唔使完全唔去涉取，只需要減一減個量就得。例如你係個可樂精，一日無三罐唔過癮的話，咁就減到一日兩罐，再改飲其他甜野來代替。（As long as你唔係改飲茶同咖啡就得，唔係仲衰多兩錢重）

4.強光噪音要避免
有無發現，其實對得電腦、手機屏幕太耐，偶然望到太陽、又或者係高噪音環境太耐，都會出現偏頭痛情況？其實電腦、手機屏幕發出嘅藍光、強烈光源、以及連續高噪音聲量，都會觸發偏頭痛。
不過解決方法卻有好簡單：電腦的話，依家已經有廠推出可以防屏幕藍光嘅眼鏡；太陽光及強光源，就以前小學都有教唔好直望喇（依家就唔知）；而連續高噪音聲量，反而就載著Headphone聽下啲慢歌去調節一下就可以解決。

5.訓得足訓得好
訓唔夠，或者訓得唔好會就會引發偏頭痛，呢樣唔駛講都知。不過點樣先算係訓得足、訓得好？其實只要定時定候上床訓，就已經保證你可以訓得好先。因為人體會因為你睡眠模式改變而作出調整，而偏頭痛就係其中一種調整時會引發嘅問題之一。所以習慣係一個時候上床訓、等身體習慣一個規律，偏頭痛問題自然會消失。