བཛྲ་གུ་རུའི་ཕན་ཡོན་དང་འབྲུ་འགྲེལ་བཞུགས་སོ། །莲师心咒之功德及解释
迁徙Tibet
诵持莲师心咒，成就佛菩萨和众生的入世间、出世间一切诸事业。
现代人身心各方面违缘重重，深受烦恼的束缚，这个时代，不管是为了自己修行顺利还是为了利众圆满，一切事业均离不开莲华生大士（简称莲师）的加持。
教育
莲师心咒之功德
༄༅།།བཛྲ་གུ་རུའི་ཕན་ཡོན་དང་འབྲུ་འགྲེལ་བཞུགས་སོ། །
莲师心咒之功德
སློབ་དཔོན་པདྨ་འབྱུང་གནས་ཀྱི་གཏེར་ཆོས།
གཏེར་ཆེན་ཀརྨ་གླིང་པས་གཏེར་ནས་བཏོན།
མཁན་པོ་བསོད་དར་ཀྱིས་བསྒྱུར།
莲花生大士 伏藏
噶玛朗巴大师 取藏
索达吉堪布 翻译
ཨ༔ ནཛཤམཐ། ཞམ༔ རྒ། མ༔ བཛྲ་གུ་རུ་དེ་ཝ་ཌཱཀྐི་ནི་ཧཱུྃ༔ བླ་མ་ཡི་དམ་མཁའ་འགྲོ་གསུམ་ལ་ཕྱག་འཚལ་ལོ༔ བདག་སྐྱེ་དམན་ཡེ་ཤེས་མཚོ་རྒྱལ་གྱིས༔ ཕྱི་ནང་གསང་བའི་མཎྜལ་རྒྱ་ཆེན་པོ་ཕུལ་ནས་ཞུས་པ༔ ཀྱེ༔ སློབ་དཔོན་ཆེན་པོ་པདྨ་འབྱུང་གནས་ལགས༔ བདག་ཅག་བོད་ཀྱི་སེམས་ཅན་ཐམས་ཅད་ལ༔ ཚེ་འདི་དང་ཕྱི་མའི་དོན་རྒྱ་ཆེན་པོ་མཛད་པ་ཤིན་ཏུ་བཀའ་དྲིན་ཉིད་ལས་ཆེ་བ་སྔར་ཡང་མ་བྱོན༔ ཕྱིས་ཀྱང་མི་འབྱོན་པས༔
顶礼上师、本尊、空行！
益西措嘉女子我，供养外、内、密大曼茶罗而呈白：“奇哉！莲花生大士，对我们西藏的一切众生，今生来世作了广大利益。胜过您深恩厚德者，以前未曾出现过，以后也不会出现。
ཉིད་ཀྱི་སྒྲུབ་པ་ཉིང་ཁུ་ལྟ་བུ་གནང་བ་ཡིས༔ བདག་སྐྱེ་དམན་ཡིན་ཡང་ཐེ་ཚོམ་མེད་དེ༔ མ་འོངས་པའི་སེམས་ཅན་བློ་སྣ་མང་ཞིང་དམུ་རྒོད་ཆེ་བ༔ དམ་པའི་ཆོས་ལ་ལོག་པར་ལྟ་ཞིང༔ ཁྱད་པར་གསང་སྔགས་བླ་མེད་ཀྱི་ཆོས་ལ་བསྐུར་འདེབས་བྱེད་དུ་འོང་བས༔ དེ་དུས་སེམས་ཅན་ཐམས་ཅད་ལ་ནད་མུག་མཚོན་གསུམ་དར་ཞིང༔ ཁྱད་པར་དུ་རྒྱ་བོད་ཧོར་གསུམ་གྲོག་མའི་ཚང་བཤིག་པ་འདྲ་བས་བོད་འབངས་སྡུག་པའི་དུས་ལ་བབ༔
您已恩赐了如醍醐般的修法，我虽是女流，却无有怀疑，而未来的众生三心二意，刚强野蛮，对妙法起邪见，尤其会诽谤无上密法，到那时，一切众生前疾疫、饥馑、刀兵频起，尤其汉、藏、蒙如同毁坏蚁穴一般，到了西藏百姓受苦的时刻。
དེ་རྣམས་བཅོས་པའི་ཐབས་མང་དུ་གསུངས་ཤིང༔ མ་འོངས་པའི་གང་ཟག་རྣམས་སྒྲུབ་ལོང་མེད་པ༔ ཅུང་ཟད་རེ་བསྒྲུབ་འདོད་པ་རྣམས་ཀྱང༔ བར་ཆད་དབང་ཆེ་བ་འོང༔ སེམས་ཅན་ཁ་མི་འཆམས༔ རྫས་དང་སྤྱོད་པ་མི་གཙང༔ ༼ཚིག་རྐང་འདི་དཔེ་མི་འདྲ་བ་ཞིག་སྣང་། མཆན། ༽དུས་ངན་དེ་འདྲ་ཤིན་ཏུ་བཟློག་པར་དཀའ་བ༔ དེ་འདྲའི་དུས་སུ་གུ་རུ་ཉིད་ཀྱི་སྒྲུབ་ཐབས་བཛྲ་གུ་རུ་ཁོ་ན་ལ་བརྟེན་ན་ཕན་ཡོན་ཅི་ལྟ་བུ་ལགས༔ མ་འོངས་པའི་བློ་དམན་རྣམས་ཀྱི་དོན་དུ་གསུང་བར་ཞུ་ཞེས་ཞུས་སོ༔
您已宣说众多扭转之方便，而未来的人们无有空闲修行，个别想修行之人也是违缘重重，众生意愿不一，不具足财物，行为不如法，如此恶时极难阻挡。于如此之时，唯一依靠莲师的修法心咒，有什么利益？为利未来浅慧者，请求宣说。”
དེ་ནས་སློབ་དཔོན་ཆེན་པོས་བཀའ་སྩལ་པ༔ འོ་དད་ལྡན་བུ་མོ་ཁྱོད་ཀྱིས་ཞུས་པ་དེ་ཤིན་ཏུ་བདེན་ནོ༔ མ་འོངས་དེ་འདྲའི་དུས་ཚོད་ལ༔ སེམས་ཅན་ལ་གནས་སྐབས་དང་མཐར་ཐུག་ལ་ཕན་ཐོགས་ངེས་པ་ཡིན༔ མན་ངག་སྒྲུབ་ཐབས་དཔག་ཏུ་མེད་པ་ས་གཏེར་ཆུ་གཏེར་བྲག་གཏེར་ནམ་མཁའི་གཏེར་ལ་སོགས་པ་མང་དུ་སྦས་ཏེ༔
尔后，莲花生大士告言：“噢，具有信心的女子，您所陈述千真万确，于未来如是时刻对众生必定有暂时究竟利益的不可估量窍诀修行，许多已隐蔽成地伏藏、水伏藏、岩伏藏、虚空伏藏等。
དུས་ངན་གྱི་སྐབས་ལ༔ ལས་ཅན་རྣམས་ཀྱི་ཐབས་རྟེན་འབྲེལ་འགྲིག་ཤིན་ཏུ་དཀའ་བ༔ སེམས་ཅན་གྱི་བསོད་ནམས་ཟད་པའི་རྟགས་ཡིན་ནོ༔ འོན་ཀྱང་དེ་འདྲའི་དུས་ལ༔ བཛྲ་གུ་རུའི་སྙིང་པོ་འདི་གནས་ཆེན་པོའམ༔ དགོན་སྡེའམ༔ རི་བོ་ཆེན་པོའི་རྩེའམ༔ ཆུ་བོ་ཆེན་པོའི་འགྲམ་དང༔ ལྷ་སྲིན་འབྱུང་པོ་དར་བའི་ས་མགོ་ས་མདོ་ལ་སོགས་པ་ལ༔ སྔགས་པ་དམ་ཚིག་དང་ལྡན་པ༔ དགེ་འདུན་སྡོམ་ལྡན༔ སྐྱེ་བོ་དད་ཅན༔ བུད་མེད་མཚན་ལྡན་ལ་སོགས་པ་རྣམས་ཀྱིས་སེམས་བསྐྱེད་རྒྱ་ཆེན་པོའི་ངང་ནས༔ བརྒྱ་སྟོང་ཁྲི་འབུམ་བྱེ་བ་དང་དུང་ཕྱུར་ལ་སོགས་པ་ཅི་འགྲུབ་བཟླས་ན༔ ཕན་ཡོན་དང་ནུས་པ་བསམ་གྱིས་མི་ཁྱབ༔
恶时之际，有缘者的方便缘起极难聚合，这是众生福德穷尽之相。然而在如此之时，这一‘嗡啊吽班则革日班玛斯德吽’，在圣地或寺院或高山之巅或大河之畔，鬼神魑魅猖獗的沟头沟尾等处，具足誓言的咒师、具足戒律的僧众、具足信心的士夫、具足法相的女子等，如果在广大发心的状态中尽可能念诵百、千、万、十万、千万、一亿遍等，则功德利益威力不可思议。
ཡུལ་ཕྱོགས་ཐམས་ཅད་ལ་ནད་མུག་མཚོན་གསུམ་དམག་འཁྲུག་ལོ་ཉེས་ལྟས་ངན་ཆོ་འཕྲུལ་ངན་པ་ཐམས་ཅད་བཟློག་ཅིང༔ ཆར་ཆུ་འབེབས་ཤིང་ལོ་ཕྱུགས་ལེགས་པ་དང༔ ཡུལ་ཕྱོགས་ལ་བཀྲ་ཤིས་པར་འགྱུར་རོ༔ ཚེ་འདི་དང་ཕྱི་མ་བར་དོའི་འཕྲང་གསུམ་ལ༔ རབ་དངོས༔ འབྲིང་ཉམས༔ ཐ་མ་རྨི་ལམ་ལ༔ ང་དང་ཡང་ནས་ཡང་དུ་འཕྲད་ཅིང༔ ས་ལམ་རིམ་པར་རྫོགས་ནས་རྔ་ཡབ་གླིང་དུ་རིག་འཛིན་ཕོ་མོའི་གྲལ་དུ་ཚུད་པར་ཐེ་ཚོམ་མེད་དོ༔
于一切地方，能遣除疾疫、饥馑、刀兵、战乱、天灾、凶兆、厄运，能令风调雨顺，农牧丰裕，诸地吉祥。在今生、来世、中阴，上根者直接、中根者于觉受中、下根者于梦中屡屡见到我，次第圆满地、道以后，必定于妙拂洲刹土趋入男女持明行列。
བརྒྱ་རེ་བཟླས་པ་མ་ཆག་ན་ཡང་གཞན་གྱི་ཡིད་དུ་འོང་ཞིང་ཟས་ནོར་ལོངས་སྤྱོད་འབད་མེད་དུ་འབྱུང༔
即使（每天）不间断念诵一百遍，也会使他人悦意，在无勤中获得食品、财物受用；
སྟོང་དང་ཁྲི་ལ་སོགས་པ་བཟླས་ན་གཞན་སྣང་ཟིལ་གྱིས་གནོན་ཅིང་བྱིན་རླབས་དང་ནུས་པ་ཐོགས་པ་མེད་པར་འགྲུབ་བོ༔
如果念诵千、万遍等，则能慑服、加持他心，无碍成就威力；
འབུམ་དང་བྱེ་བ་སོགས་བཟླས་པར་བྱེད་ན༔ ཁམས་གསུམ་དབང་དུ་འདུས༔ སྲིད་གསུམ་ཟིལ་གྱིས་གནོན༔ ལྷ་འདྲེ་བྲན་དུ་ཁོལ༔ ཕྲིན་ལས་རྣམ་བཞི་གང་ལ་ཡང་ཐོགས་པ་མེད་པར་འགྲུབ་ཅིང༔ སེམས་ཅན་ཐམས་ཅད་ལ་ཅི་བསམ་པའི་འགྲོ་དོན་དཔག་ཏུ་མེད་པ་བྱེད་ནུས་པར་འགྱུར་རོ༔
倘若念诵十万、百万遍等，则能怀柔三界，慑服三有，役使鬼神，无碍成就四种事业，能行持一切众生所想的无量利益；
བྱེ་བ་གསུམ་མམ་བདུན་ལ་སོགས་པ་བགྲང་བར་ནུས་ན་དུས་གསུམ་སངས་རྒྱས་རྣམས་དང་འབྲལ་བ་མེད་ཅིང༔ ང་དང་དབྱེར་མི་ཕྱེད་པར་ལྷ་སྲིན་སྡེ་བརྒྱད་ཐམས་ཅད་བཀའ་ཉན་གསུང་བསྟོད༔ ཅི་བཅོལ་བའི་ལས་སྒྲུབ་ཅིང༔
如若能念诵三千万或七千万遍等，则与三世诸佛不相分离，与我无二无别，所有天龙八部言听计从，交口称赞，成办所嘱托之事。
རབ་ཚེ་འདི་ལ་འཇའ་ལུས་འགྲུབ༔ འབྲིང་འཆི་ཁར་འོད་གསལ་མ་བུ་འཕྲོད༔ ཐ་མ་ཡང་བར་དོར་ང་ཡི་ཞལ་མཐོང་ནས་སྣང་བ་རང་སར་གྲོལ་ཏེ༔ རྔ་ཡབ་གླིང་དུ་སྐྱེས་ནས་འགྲོ་དོན་དཔག་ཏུ་མེད་པ་འབྱུང་བར་འགྱུར་རོ༔ ཞེས་གསུངས་སོ༔
上根者于即生成就虹身，中根者在临终时认识母子光明，下根者也会在中阴面见我而显现解脱于自地，往生妙拂洲刹土，利益无量众生。”
སློབ་དཔོན་ཆེན་པོ་ལགས༔ འདི་ལྟ་བུའི་ཕན་ཡོན་དང་ནུས་པ་དཔག་ཏུ་མེད་པ་རྒྱ་ཆེན་པོར་གསུངས་པ་བཀའ་དྲིན་ཆེ་ལགས༔ མ་འོངས་སེམས་ཅན་རྣམས་ཀྱི་དོན་དུ༔ གུ་རུ་པདྨའི་འབྲུ་འགྲེལ་གྱི་ཕན་ཡོན་ནུས་པ་དཔག་ཏུ་མེད་ན་ཡང༔ མདོར་བསྡུས་པ་ཞིག་གསུང་བར་ཞུ་ཞེས་ཞུས་སོ༔
（益西措嘉空行母呈白：）“大士啊，宣说如此无量广大功德威力，恩德实大。莲师心咒逐字解释的功德威力虽然不可估量，但为利益未来众生，请求摄略宣说。”
དེ་ནས་སློབ་དཔོན་ཆེན་པོས་བཀའ་སྩལ་པ༔ འོ་རིགས་ཀྱི་བུ་མོ༔ བཛྲ་གུ་རུ་ཞེས་པ་ནི༔ ང་གཅིག་པུའི་སྙིང་པོ་མ་ཡིན་ཏེ༔ ཡི་དམ་རྒྱུད་སྡེ་བཞི་དང༔ ཐེག་པ་རིམ་པ་དགུ་དང༔ ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལ་སོགས་པའི་སྲོག་སྙིང༔ དུས་གསུམ་སངས་རྒྱས་ཐམས་ཅད་དང༔ བླ་མ་ཡི་དམ་མཁའ་འགྲོ་ཆོས་སྐྱོང་ལ་སོགས་པའི་སྙིང་པོ་འདི་ལ་ཚང་བའོ༔ ཚང་བའི་རྒྱུ་མཚན་ཅི་ལྟ་བུ་ཞེ་ན༔ ལེགས་པར་ཉོན་ལ་ཡིད་ལ་ཟུངས་ཤིག༔ བཟླ་བར་གྱིས་ཤིག༔ འབྲི་བར་གྱིས་ཤིག༔ མ་འོངས་སེམས་ཅན་རྣམས་ལ་བསྟན་པར་གྱིས་ཤིག༔
尔后莲花生大士告言：“噢，善女子，‘嗡啊吽班则革日班玛斯德吽”并不是我独有的心咒，它是四续部本尊、九次第乘、八万四千法蕴的命根，此中俱全三世诸佛、上师本尊空行护法等的心咒。俱全的原因何在呢？请认真谛听，铭记在心，当念诵、当缮写、当于未来众生讲说。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་ནི་སྐུ་གསུང་ཐུགས་ཀྱི་སྙིང་པོ་མཆོག༔
བཛྲ་རྡོ་རྗེ་རིགས་ཀྱི་སྙིང་པོ་མཆོག༔
གུ་རུ་རིན་ཆེན་རིགས་ཀྱི་སྙིང་པོ་མཆོག༔
པདྨ་པདྨ་རིགས་ཀྱི་སྙིང་པོ་མཆོག༔
སིདྡྷི་ལས་ཀྱི་རིགས་ཀྱི་སྙིང་པོ་མཆོག༔
ཧཱུྃ་ནི་བདེ་གཤེགས་རིགས་ཀྱི་སྙིང་པོ་མཆོག༔
嗡啊吽班则革日班玛斯德吽，
其中‘嗡啊吽’是诸佛身语意的心咒；
‘班则’是金刚部的心咒；
‘革日’是珍宝部的心咒；
‘班玛’是莲花部的心咒；
‘斯德’是事业部的心咒；
‘吽’是善逝部的心咒。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ནི་རྒྱལ་བ་རིགས་ལྔ་ལོངས་སྤྱོད་རྫོགས༔
ཨཱ་ནི་ཆོས་སྐུ་མི་འགྱུར་ཡོངས་སུ་རྫོགས༔
ཧཱུྃ་ནི་སྤྲུལ་སྐུ་གུ་རུའི་དྲུང་དུ་རྫོགས༔
བཛྲ་ཧེ་རུ་ཀ་ཡི་ལྷ་ཚོགས་རྫོགས༔
གུ་རུ་བླ་མ་རིག་འཛིན་ལྷ་ཚོགས་རྫོགས༔
པདྨ་མཁའ་འགྲོ་ཤུགས་འགྲོའི་ལྷ་ཚོགས་རྫོགས༔
སིངྷི་ནོར་ལྷ་གཏེར་བདག་ཀུན་གྱི་སྲོག༔
ཧཱུྃ་ནི་ཆོས་སྐྱོང་མ་ལུས་ཀུན་གྱི་སྲོག༔
嗡啊吽班则革日班玛斯德吽，
‘嗡’圆满五方佛报身；
‘啊’圆满无变法身；
‘吽’圆满化身莲师；
‘班则’圆满黑日嘎之尊众；
‘革日’圆满上师持明尊众；
‘班玛’圆满空行本尊坛城；
‘斯德’是财神、伏藏主之命脉；
‘吽’是无余一切护法之命脉。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་ནི་རྒྱུད་སྡེ་གསུམ་གྱི་སྲོག༔
བཛྲ་འདུལ་བ་མདོ་སྡེ་གཉིས་ཀྱི་སྲོག༔
གུ་རུ་མངོན་པ་ཀྲཱི་ཡ་གཉིས་ཀྱི་སྲོག༔
པདྨ་ཨུ་པ་ཡོ་ག་གཉིས་ཀྱི་སྲོག༔
སིདྡྷི་མ་ཧཱ་ཨ་ནུ་གཉིས་ཀྱི་སྲོག༔
ཧཱུྃ་ནི་རྫོགས་ཆེན་ཨ་ཏི་ཡོ་གའི་སྲོག༔
嗡啊吽班则革日班玛斯德吽，
‘嗡啊吽’是三传承之命脉；
‘班则’是律藏、经藏之命脉；
‘革日’是论藏、事续之命脉；
‘班玛’是行续、瑜伽续之命脉；
‘斯德’是玛哈、阿努之命脉；
‘吽’是大圆满阿底之命脉。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ་ཧཱུྃ་གིས་དུག་གསུམ་ལས་གྱུར་སྒྲིབ་པ་འདག༔
བཛྲ་ཞེ་སྡང་ལས་གྱུར་སྒྲིབ་པ་འདག༔
གུ་རུས་ང་རྒྱལ་ལས་གྱུར་སྒྲིབ་པ་འདག༔
པདྨས་འདོད་ཆགས་ལས་གྱུར་སྒྲིབ་པ་འདག༔
སིདྡྷིས་ཕྲག་དོག་ལས་གྱུར་སྒྲིབ་པ་འདག༔
ཧཱུྃ་གིས་ཉོན་མོངས་ལས་གྱུར་སྒྲིབ་པ་འདག༔
嗡啊吽班则革日班玛斯德吽，
以‘嗡啊吽’清净三毒障；
以‘班则’清净嗔心障；
以‘革日’清净我慢障；
以‘班玛’清净贪心障；
以‘斯德’清净嫉妒障；
以‘吽’清净烦恼障。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་ཆོས་ལོངས་སྤྲུལ་གསུམ་འཐོབ༔
བཛྲ་མེ་ལོང་ལྟ་བུའི་ཡེ་ཤེས་འཐོབ༔
གུ་རུས་མཉམ་པ་ཉིད་ཀྱི་ཡེ་ཤེས་འཐོབ༔
པདྨས་སོ་སོར་རྟོག་པའི་ཡེ་ཤེས་འཐོབ༔
སིདྡྷིས་བྱ་བ་གྲུབ་པའི་ཡེ་ཤེས་འཐོབ༔
ཧཱུྃ་གིས་ཡེ་ཤེས་ལས་གྱུར་ཐམས་ཅད་འགྲུབ༔
嗡啊吽班则革日班玛斯德吽，
以‘嗡啊吽’获得法、报、化身；
以‘班则’获得大圆镜智；
以‘革日’获得平等性智；
以‘班玛’获得妙观察智；
以‘斯德’获得成所作智；
以‘吽’获得一切智慧任运成就。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ་ཧཱུྃ་གིས་ལྷ་འདྲེ་མི་གསུམ་འདུལ༔
བཛྲ་དྲི་ཟ་མེ་ལྷའི་གདོན་རྣམས་ཐུབ༔
གུ་རུས་གཤིན་རྗེ་སྲིན་པོའི་གདོན་རྣམས་ཐུབ༔
པདྨས་ཆུ་ལྷ་རླུང་བདག་གདོན་རྣམས་ཐུབ༔
སིདྡྷིས་གནོད་སྦྱིན་དབང་ལྡན་གདོན་རྣམས་ཐུབ༔
ཧཱུྃ་གིས་གཟའ་དང་ས་བདག་གདོན་རྣམས་ཐུབ༔
嗡啊吽班则革日班玛斯德吽，
以‘嗡啊吽’调伏天、鬼、人；
以‘班则’胜伏寻香、火神诸魔；
以‘革日’胜伏阎罗、罗刹诸魔；
以‘班玛’胜伏水神、风神诸魔；
以‘斯德’胜伏夜叉、自在天神诸魔；
以‘吽’胜伏恶曜、地神诸魔。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་ཕ་རོལ་ཕྱིན་དྲུག་འགྲུབ༔
བཛྲ་ཞི་བའི་ལས་ཀུན་ཐམས་ཅད་འགྲུབ༔
གུ་རུས་རྒྱས་པའི་ལས་ཀུན་ཐམས་ཅད་འགྲུབ༔
པདྨས་དབང་གི་ལས་ཀུན་ཐམས་ཅད་འགྲུབ༔
སིདྡྷིས་ཕྲིན་ལས་ལས་ཀུན་ཐམས་ཅད་འགྲུབ༔
ཧཱུྃ་གིས་དྲག་པོའི་ལས་ཀུན་ཐམས་ཅད་འགྲུབ༔
嗡啊吽班则革日班玛斯德吽，
以‘嗡啊吽’成就六波罗蜜多；
以‘班则’成就一切息业；
以‘革日’成就一切增业；
以‘班玛’成就一切怀业；
以‘斯德’成就一切事业；
以‘吽’成就一切诛业。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་བན་བོན་བྱད་ཕུར་བཟློག༔
བཛྲ་ཡེ་ཤེས་ལྷ་ཡི་བྱད་ཁ་བཟློག༔
གུ་རུས་ལྷ་སྲིན་སྡེ་བརྒྱད་བྱད་ཁ་བཟློག༔
པདྨས་འཇིག་རྟེན་ལྷ་འདྲེའི་བྱད་ཁ་བཟློག༔
སིདྡྷིས་ཀླུ་དང་ས་བདག་བྱད་ཁ་བཟློག༔
ཧཱུྃ་གིས་ལྷ་འདྲེ་མི་གསུམ་བྱད་ཁ་བཟློག༔
嗡啊吽班则革日班玛斯德吽，
以‘嗡啊吽’回遮僧人苯教橛诅咒；
以‘班则’回遮（他人所迎请）智慧本尊的诅咒；
以‘革日’回遮天龙八部诅咒；
以‘班玛’回遮世间鬼神诅咒；
以‘斯德’回遮龙类、地神诅咒；
以‘吽’回遮天、鬼、人诅咒。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་དུག་ལྔའི་དམག་དཔུང་འཇོམས༔
བཛྲ་ཞེ་སྡང་ལས་གྱུར་དམག་དཔུང་འཇོམས༔
གུ་རུས་ང་རྒྱལ་ལས་གྱུར་དམག་དཔུང་འཇོམས༔
པདྨས་འདོད་ཆགས་ལས་གྱུར་དམག་དཔུང་འཇོམས༔
སིདྡྷིས་ཕྲག་དོག་ལས་གྱུར་དམག་དཔུང་འཇོམས༔
ཧཱུྃ་གིས་ལྷ་འདྲེ་མི་གསུམ་དམག་དཔུང་འཇོམས༔
嗡啊吽班则革日班玛斯德吽，
以‘嗡啊吽’摧毁五毒之魔军；
以‘班则’摧毁嗔心之魔军；
以‘革日’摧毁我慢之魔军；
以‘班玛’摧毁贪心之魔军；
以‘斯德’摧毁嫉妒之魔军；
以‘吽’摧毁天、鬼、人之魔军。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་སྐུ་གསུང་ཐུགས་ཀྱི་དངོས་གྲུབ་འཐོབ༔
བཛྲ་ཡི་དམ་ཞི་ཁྲོའི་དངོས་གྲུབ་འཐོབ༔
གུ་རུས་རིག་འཛིན་བླ་མའི་དངོས་གྲུབ་འཐོབ༔
པདྨས་མཁའ་འགྲོ་ཆོས་སྐྱོང་དངོས་གྲུབ་འཐོབ༔
སིདྡྷིས་མཆོག་དང་ཐུན་མོང་དངོས་གྲུབ་འཐོབ༔
ཧཱུྃ་གིས་ཅི་བསམ་དངོས་གྲུབ་མ་ལུས་འཐོབ༔
嗡啊吽班则革日班玛斯德吽，
以‘嗡啊吽’获得身语意悉地；
以‘班则’获得寂猛本尊悉地；
以‘革日’获得持明上师悉地；
以‘班玛’获得空行护法悉地；
以‘斯德’获得殊胜共同悉地；
以‘吽’无余获得一切所求悉地。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་གདོད་མའི་ཞིང་ཁམས་འཕོ༔
བཛྲ་ཤར་ཕྱོགས་མངོན་དགའི་ཞིང་ཁམས་འཕོ༔
གུ་རུས་ལྷོ་ཕྱོགས་དཔལ་ལྡན་ཞིང་ཁམས་འཕོ༔
པདྨས་ནུབ་ཕྱོགས་བདེ་ཆེན་ཞིང་ཁམས་འཕོ༔
སིདྡྷིས་བྱང་ཕྱོགས་ལས་རབ་ཞིང་ཁམས་འཕོ༔
ཧཱུྃ་གིས་དབུས་ཕྱོགས་གཡོ་མེད་ཞིང་ཁམས་འཕོ༔
嗡啊吽班则革日班玛斯德吽，
以‘嗡啊吽’往生本来刹土；
以‘班则’往生东方现喜刹土；
以‘革日’往生南方具德刹土；
以‘班玛’往生西方极乐刹土；
以‘斯德’往生北方事业刹土；
以‘吽’往生中央不动刹土。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཨོཾ་ཨཱ༔ཧཱུྃ་གིས་སྐུ་གསུམ་རིག་འཛིན་འཐོབ༔
བཛྲ་ས་ལ་གནས་པའི་རིག་འཛིན་འཐོབ༔
གུ་རུས་ཚེ་ལ་དབང་བའི་རིག་འཛིན་འཐོབ༔
པདྨས་ཕྱག་རྒྱ་ཆེན་པོའི་རིག་འཛིན་འཐོབ༔
སིདྡྷིས་ལྷུན་གྱིས་གྲུབ་པའི་རིག་འཛིན་འཐོབ༔
ཧཱུྃ་གིས་རྣམ་པར་སྨིན་པའི་རིག་འཛིན་འཐོབ༔
嗡啊吽班则革日班玛斯德吽，
以‘嗡啊吽’获得三身持明；
以‘班则’获得住地持明；
以‘革日’获得寿自在持明；
以‘班玛’获得大手印持明；
以‘斯德’获得任运持明；
以‘吽’获得异熟持明。
ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
བཛྲ་གུ་རུ་ལན་གཅིག་བརྗོད་པ་ཡི༔
དེ་ལ་གཟུགས་མཆིས་འཛམ་གླིང་སྣོད་དུ་ཆུང༔
འདི་ཉིད་མཐོང་ཐོས་དྲན་པའི་སེམས་ཅན་ཀུན༔
རིག་འཛིན་ཕོ་མོའི་གྲལ་ལ་འཁོད་པར་ངེས༔
嗡啊吽班则革日班玛斯德吽，
念诵一遍莲师之心咒，
彼若有色世界也难容，
见闻忆念此之诸众生，
必定置于男女持明列。
བསླུ་མེད་བཛྲ་གུ་རུའི་བདེན་ཚིག་ལ༔
གང་འདོད་བཀའ་བཞིན་འགྲུབ་པར་མ་གྱུར་ན༔
པདྨ་ང་ཡིས་སེམས་ཅན་བསླུ་བ་ཨང༔
མི་བསླུ་ངེས་པས་བཀའ་བཞིན་བསྒྲུབ་པར་གྱིས༔
无欺莲师心咒谛实语，
若未如其所愿而成办，
莲生我已欺惑诸有情，
决定无欺依教而修行。
བཟླས་པ་མི་ནུས་རྒྱལ་མཚན་རྩེ་ལ་ཕྱོར༔
རླུང་ཕོག་སེམས་ཅན་གྲོལ་བར་ཐེ་ཚོམ་མེད༔
ཡང་ན་ས་ཤིང་རྡོ་ཡི་ལོགས་སུ་བྲིས༔
རབ་གནས་བྱས་ནས་ལམ་ལ་བཀྲམ་ན་ཡང༔
མཐོང་བ་ཙམ་གྱིས་ནད་གདོན་སྒྲིབ་པ་འདག༔
ས་དེར་གནས་པའི་འདྲེ་སྲིན་རྒྱུ་ལམ་ཆད༔
མཐིང་ཤོག་དག་ལ་གསེར་གྱིས་བྲིས་ལ་འདོགས༔
གདོན་བགེགས་འབྱུང་པོས་གནོད་པ་བྱེད་མི་ནུས༔
此咒作成幡旗飘顶巅，
风触众生无疑得解脱，
抑或刻写土木石面上，
予以开光设置道路旁，
谁见清净疾疫诸魔障，
住于彼地鬼神皆远离，
金粉书于蓝纸系带身，
一切魔障鬼王不能害。
ཤི་ནས་རོ་དང་མ་བྲལ་བསྲེགས་ན་ནི༔
འཇའ་ཚོན་འཁྱུག་ཅིང་བདེ་ཆེན་འཕོ་བར་ངེས༔
འབྲི་ཀློག་འདོན་པའི་ཡོན་ཏན་ཚད་ལས་འདས༔
མ་འོངས་སེམས་ཅན་དོན་དུ་བཀོད་དེ་སྦས༔
སྐལ་ལྡན་ལས་ཅན་བུ་དང་འཕྲད་པར་ཤོག༔
如若命终不离尸体焚，
彩虹萦绕定生极乐国，
缮写讽诵功德不可量，
为利未来有情隐藏彼，
愿诸具缘之子得值遇。”
ས་མ་ཡ༔ རྒྱ་རྒྱ་རྒྱ༔ ལོག་ལྟ་ཅན་ལ་གསང་རྒྱ་རྒྱ་རྒྱ༔ དམ་ཚིག་ཅན་ལ་གཏད་རྒྱ་རྒྱ་རྒྱ༔ སྤྲུལ་སྐུ་ཀརྨ་གླིང་པས་གཏེར་ནས་གདན་དྲངས་ཏེ་ཤོག་སེར་ལས་བཤུས་པའོ༔
萨玛雅！印！印！印！于邪见者保密！印！印！印！交付与具誓言者！印！印！印！化身噶玛朗巴开取伏藏而由黄纸中抄录。
