朝早同男友一齊食早餐，歎杯咖啡之後就去返工；到咗lunch time，又飲兩罐可樂提神；放工後，再約班friend去Starbucks食件cake歎杯mocha……或者你認為呢個係社交生活嘅一部分，但每日慣性吸收過量咖啡因，有可能會造成「咖啡因成癮症」，對健康有唔少嘅壞處！
水分流失
飲用含咖啡因嘅飲料代替水，會加快體內水分流失而且對消化系統造成刺激，可能導致小便頻頻同腹瀉。當身體處於缺水狀態，你就會覺得更加攰、頭暈同頭腦混亂。
體重增加
咖啡因會導致血糖水平下跌，因而令胃口大增，最終你會食咗超過自己需要嘅分量，即使覺得飽仍然會想繼續食，導致體重增加。過重會造成好多健康問題，如高血壓、高膽固醇，甚至心臟病。
失眠
咖啡因會導致或惡化失眠問題，即使飲咗咖啡仍然瞓得着，睡眠質素也會大大降低，令你唔能夠熟睡，第二日起身仲會覺得好煩燥同攰，最終形成惡性循環，越唔夠瞓就越要飲含咖啡因嘅飲料提神。
想知自己有無上癮？快啲去下一頁測試！
自己有無上癮？
回答以下問題，就知道你有無咖啡因上癮。
回答以下問題，就知道你有無咖啡因上癮。
1. 如果朝早無飲咖啡或者汽水，你會覺得全日都難以集中精神？
2. 你每日會飲超過4杯或以上分量嘅咖啡因飲料？
3. 飲完一杯含咖啡因嘅飲料後，你會覺得神經緊張、焦慮或無法入睡？
分析：
若果有一個或以上嘅答案係「YES」的話，你可能患上咖啡因成癮症。
醫生指出，每日吸收200-300mg嘅咖啡因對健康並無大礙。但如果你每日吸收600mg或以上就可能等於上咗咖啡因癮喇！
呢啲飲品同食品都含咖啡因，根據下面嘅數據表，可以計出你每日嘅吸收量：
不含咖啡因嘅代替品：
相對咖啡同汽水，水係唔錯嘅提神飲料，有效提升身體嘅能量。如果覺得水太淡而無味，可以試試有氣提子汁或者雪碧。
沒有留言:
張貼留言