Q版建築師手作仔砌出大世界

註：本文轉載自蘋果日報

香港人，總是無樓不歡。亞洲呎價最貴樓王傲璇（Opus）、飛躍「跳層」成城中熱話的西半山豪宅天匯，甚至造價逾千萬的多哈市，都可此中尋。這裏，是RJ Model的大本營，也是建築大師Norman Foster御用建築模型製造商。足迹遍全球，創辦人是香港仔張勁松。由碌爆卡出糧的3人山寨廠，到成為700員工的國際企業，「好羨慕做個app就搵到錢，但我細個只識砌模型，冇辦法」。看盡全球頂尖樓房，仍得工作17年才做業主，超級香港仔的故事，也是香港人的故事。 

內地愛浮誇　香港求準確

位於深圳寶安的廠房樓高5層，佔地1.5萬平方米，由福田口岸驅車前往約半小時。1、2樓是國際部，全球最矚目的建築，仍未動土，先在這裏誕生。「根據時區分唔同部門，除咗香港，中東、土耳其同歐美。做中東樓盤模型，沙灘一定唔可以有比堅尼女郎。內地樓盤愛浮誇，加閃燈最啱；香港重法，要求好準確，就算模型嘅通道，都唔可以犯法，又細緻到連牙籤咁大嘅水龍頭，係彎定直都要跟足。」
長實、恒基，以至世界各地的建築師，甚至市政府，都是他的客戶。全球最大的多哈市模型，26米乘26米，4個月完成，造價千萬，「其中兩個半月，都係前期工作，派咗隊人過多哈，研究建築草圖同拍照，真正落手做只有個半月」。耐熱的阿加力膠、人手上色和雕塑，不同工種，分門別類。單安裝LED燈的電工部門，已有廿人。由study model到正式展銷模型，甚至是機場內永久存放的微縮景區，都有他的出品。

■中環滙豐銀行總行門口的石獅子，在這裏只有食指大小，雕工精美。

■模型就算只是細節，都要逼真精細，以免觸犯法例。

■黎巴嫩的建築項目模型中，人物與樹種均模仿當地特色。

北上設廠遭對手破壞

「呢行行頭窄又冷門，又好多商業秘密，啲客都係搵上門，外行人未必知我哋存在，去到中東，都係罕有嘅華人面孔。」男生都愛砌模型，當年，張勁松也是因為愛手作仔而入行，「中學做兼職，只要手藝好，人工唔錯，幫手黐吓樹，後來派咗去泰國做嘢，嗰度正式聯合國，先知世界好大」。七十二行，43歲的他只做過一行，95年創立RJ Model，時年25。R是他的英文名Ray，J是拍檔林偉畧Jeff。
拍檔主內，他主外，主攻開拓海外市場。10年間，他說跑了70個國家，就是台灣籍的太太，都是出差時在機場認識。只是，手藝再刁鑽都好，建築模型生意，與經濟發展及地產市道唇齒相依。廿年間，經歷兩次大跌市，金融風暴後，1999年破釜沉舟，北上發展，是首間在內地設廠房的港資模型公司。「要生存就要考慮成本，我最記得，嗰時做緊恒基比華利山個模型，60萬，收咗一半上期，攞住30萬就衝上嚟搵廠房」。
恃着年輕，一鼓作氣，那知出閘即遇惡霸地頭蟲。「高薪挖角得罪人，有晚做到凌晨，返宿舍無耐，保安就打嚟，話有人撬門入嚟，打爛晒啲模型」。連夜搬走，跟他北上發展的夥計雞飛狗走，他自知別無選擇。「成副身家押重注，硬住頭皮都要做，𠵱家諗番，正正因為嗰時冇錢冇樓冇女友，冇嘢好輸，先至咁勇。」

■全球最矚目的建築正式動工前，已在這裏率先誕生。

■張勁松承造的多哈市模型造價千萬，面積達26米乘26米。

獲Foster介紹　轉戰杜拜

命不該絕，惟有設法求生。「發展商嫌遠唔肯上嚟，就租架有中港牌嘅Benz喺門口接送；呢行普遍學歷唔高，我喺泰國做過兩年，英文溝通到，就全力做外國客。」低價趕工爛做，碌爆卡出糧儲客，2005年，遇上杜拜大興土木的地產神話，成為轉捩點。「嗰時幫Foster做過新機場同會展，佢返英國，打嚟問我，話杜拜好多project，問我有冇興趣飛過去杜拜傾。」
建於沙漠之都的超級項目多如星數，全球最高的杜拜塔、空中旋轉的摩天大樓，七星級帆船酒店，當時就有句名言：只有想不到、沒有做不到的杜拜建築，「傾緊個project，400萬6星期起貨，佢哋要求加快4星期，問我要幾錢，我隨便講話600萬，半個鐘已拍板」。然而，一場金融海嘯，杜拜神話慘變英雄塚，當地奉行「最大、最豪華」的建築項目，一朝爆破。
「好多數爛尾追唔到，外資撤走，生意一落千丈」。2008年，在世界走了一圈，又回歸中國，「收購咗內地一間建築模型公司，佔6成股份，主攻內地樓房。我同拍檔主力做國際部，到咗我咁嘅年紀，出到糧畀夥計緊要，但都希望做鍾意嘅嘢，有啲人造模型出嚟自己欣賞已經夠，我就希望全世界都睇到」。愛模型愛到走遍五大洲的他如是說。
記者：呂麗嬋　攝影︰羅君豪 

■工人憑相片巧手雕出頭像，為工廠添上一點藝術氣息。

■同是Foster設計，張勁松（前中）親自飛到孟買安裝兩層樓高的模型。受訪者提供圖片