【傳染病專家袁國勇】批醫生不用英語論症 斥父母代子求職：荒謬

【傳染病專家袁國勇】批醫生不用英語論症　斥父母代子求職：荒謬

「沙士英雄」、港大微生物學系講座教授袁國勇多年來埋首研究及教學，每每有傳染病相關事宜，袁教授總會現身記者會講解。有別於其他記者會，袁國勇一直堅持先用英語後用粵語，「港大係以英文教學，有咩理由用廣東話開始，無可能！」堅持背後更有一份擔憂，「我真係好擔心，好多醫生而家巡房係用廣東話（醫生間的對話），你知唔知，呢樣野真係30年前從來都無發生！」他直指內地大學已紛紛轉用英語，但自稱「國際都市」的香港卻用廣東話論症。

醫生轉投私家醫院情況嚴重，袁國勇直指年輕人的價值觀從少學習，至入讀醫學院已難以改變其價值觀。袁回憶小時間總是自己作決定，自己照顧自己，但竟然曾經有父母代兒子向他查詢工作機會，他不客氣叫這對直升機父母「你叫你個囝嚟「父母要搵食，邊得閑理你！」袁國勇回憶起小時自已事情由自己處理，由洗衣服到上學背書包都是自己負責，但至現今世代，卻有家長連子女求職都代勞，「試過有父母走嚟幫個仔同我傾搵工，佢想做呢份工。我話『搞錯呀，你叫你個仔嚟啦』，簡直荒謬！」他強調年輕人的將來應由自己計劃，有困難可問同輩，認識朋友，「我一生人最好嘅朋友，全部都係學生時代建立。」他又透露現時仍有和前食物及衞生局局長堅持英文有因：大部分醫學期刊都用英文

談及後輩，袁國勇直言有一擔憂，因為醫學文獻及書都是以英文為主，所以過往醫生巡房時，除對病人外，均以英文為主，「我啱啱畢業時英文同現在當然無得比，係因為長年累月講親病人都係英文。」袁國勇表示，即使復旦大學及清華大學亦改用英語，反而香港醫生用廣東話，他大感困惑地說：「發生咩事，你話自一己係國際城市，現在好多會議，醫生開會用廣東話。我開會，我即刻鬧佢！好多醫生都唔想，講講吓講返廣東話，咁樣唔好！」

袁國勇強調大部分醫學期刊都是英文，認為香港不應反其道而行，醫學依舊應以英文為主，他又笑指：「我唔係叫你唔好學普通話，我都學緊普通話，都講得兩咀，不過差啲咁解，好過崔世安。」

發生咩事，你話自己係國際城市，現在好多會議，醫生開會用廣東話。我開會，我即刻鬧佢！好多醫生都唔想，講講吓講返廣東話，咁樣唔好！

袁國勇

公立醫院過逼　撐填海造地建醫院

香港醫護人手不足，公立醫院過逼，袁國勇直指，病人伸手可以摸到旁邊，難以控制感染情況，「你話林鄭月娥特首填海唔啱，咁你搵地出嚟先得架，我唔識要填幾多，係邊度填，我唔識，但填海係需要。」袁國勇直指，香港需要更多土地興建醫院，增加病床間的空間。他強調自己絕無政治立場，只是講「What is best for everybody（對所有人最好的事物）」。

人手不足，其中一個原因是稍有經驗的醫生會轉到私家醫院工作，袁國勇多次嘆氣指：「我真係好想啲後輩考慮，你做醫生都係想幫貧困、有需要嘅人，你哋個個出晒去搵銀，咁佢哋點？」袁又指，很多人說他們不教學生醫德，他坦言小朋友的價值觀由父母、朋友、老師建立，到學生已經18、9歲入醫學院再教他醫德，教他不要貪錢已經沒有用。

我真係好想啲後輩考慮，你做醫生都係想幫貧困、有需要嘅人，你哋個個出晒去搵銀，咁佢哋點？

袁國勇

袁國勇指香港應該學習美國，規定醫生每隔數年便需接受相關專科考試。

早前，一名逾80歲的醫生為病人注射肉毒桿菌後患者死亡，令社會擔心醫生年齡。袁國勇指，香港應該學習美國最好的國際慣例，每隔數年醫生便需接受相關專科考試，不合格便不可續牌，這便可解決所有問題，更不會有年齡歧視，「講完佢哋拎磚掟我都似！」