住馬灣 返工快過住將軍澳？
公司同屋企嘅距離，絕對嚴重影響一個人生活。
住得遠，瞓得少，收工又夜返屋企，影響健康，影響家人關係，你們說對不對！
好多人買樓揀地方都話近地鐵站返工方便，
事實又係咪咁？
學者梁啟智用Google Map嘅資料，
以中環匯豐銀行總行作終點，分析各區屋苑嘅扮工仔女返工要用幾多時間。
都有幾多有趣發現︰
住馬灣，返工快過中產最愛嘅將軍澳；
如果你肯用多10分鐘返工，唔住太古城，搬去葵芳，租樓嘅話可以慳一大截；
大埔同粉嶺嘅返工時間可以一樣，但係大埔新達廣場同大埔中心喺埋同一區，返工時間可以爭16分鐘。
網友好快就幫手補充資料，嗰啲以為「新界=遠」嘅觀念完全被KO。
呢個圖，分分鐘比起美國加唔加息，更加影響樓市。
沒有留言:
張貼留言